توبة عبد عاصى
يارب ارحمنى عبدك دنا عبد لنفسى ظالم
عايش تعطينى رزقك وانا فى الدنيا نايم
تغفرلى كل مرة وانا فى ذنوبى عايم
لازم فى يوم ماهموت وفاكر انى دايم
* * * *
وناس كتير تموت وانا قلبى ربى قاسى
واقف قدام قبور ونومتي فيها ناسي
ناسى انى يوم هموت وهيعزينى ناسى
قاعد فى الدنيا اوسع وانا قبرى موش مقاسى
* * * *
عصيتك اه كتير وانتا عليا ساتر
وافضح نفسى بنفسى وفاكر انى شاطر
وناس كتير تصلي وتصلى الفجر حاضر
وانا بامر الشيطان يامرنى واقوله حاضر
* * * *
خلقتنى وعابدك وخلقت ليا رضك
عشان فيها اصلى واعيش دايما بشكرك
واتمتع فيها لكن اعصيك واعصى نبيك
ولا قلتش يوم اتوب واقرب ليك واحبك
* * * *
كاره لقاء هشوفه برضايه وغصب عنى
وماسك فى دنيا فانية دايما علطول تهنى
تدينى كل حاجة وفجاة تاخدها منى
بعدين تكسرلى ضهرى وتعد هى تغنى
* * * *
وقلت انا خلاص مفيش زيى حد
بعت الجنه ببلاش بقى بينى وبينها سد
لكن فى قلبه باب ممكن يعدى عبد
حلفت انى هوه وتبت ايوه بجد
* * * *
وقفلت باب زنوبى وفتحت لتوبتى باب
وسجدت لربى ابكى اغفر لعبد تاب
معقول يارب ممكن انجى من العذاب
لقيت ربى قريب قالى من غير حساب
الإثنين أبريل 28, 2008 10:55 pm
