قعدنا نكتب كتير ولا حد سامعنا
والكل يكتب كلام وللكلام معنى
نفضل نكتب كلام يوصف فى اوجاعنا
نكتب ونيجى نقول مافى حد يسمعنا
ونيجى نقرا الكلام كلامنا يوجعنا
*************
جوم زحف كدا ع الدول دولة ورا دولة
وقالوا ناخد خيرها احنا ياناس اولى
هنخش ع الدولادى وعليها نستولى
ونهدم اللى فيها وساعتها نتقوى
وهم ياناس عايشين لاقوة ولا حولا
*************
وخشوا جوة البلد وشبابها قتلوها
وجم على الاطفال م الام حرموها
وجم على البنات بالعافية وخدوها
والبنت ماتت خلاص قدام عيون ابوها
وخشوا على المساجد وف ساعة هدموها
*************
لكن انا بدعيلك من قلبلى يا فلسطين
انا بن ادم وانا مخلوق كدا من طين
كتير دول اخواتك سامعين ومش سا ئلين
اخوتها هما العرب لكنهم خايفين
نايمين هنا وساكتين وفى احتجاج فى الصين
*************
خدعوكى يافلسطين وانا كمان مسئول
ساكت على الاقصى وصيتك يارسول
يرحم بقى عرفات واسمعنى لما اقول
ابنك شارون مقتول نايم كمان مسطول
لهو دارى بالدنيا ولا دارى بالاسطول
****************
لموا اطبائكم يتلموا كده جنبه
وطلعوه م المرض والحموا قلبه
وان قلبه تانى اتخرم علاجه ف الشامبو
انسولوا انه يقوم لوالف دكتور عالجه
لكنه لوفاق يوم اقسم هيبكى ع ذنبه
***************** امريكا يا امريكا هدى ابوكى بوش
متفرعن ليه علينا روحي الهى يبوش
حالفه هنا الاطفال ليلبسوه طربوش
حالفه هنا الاطفال ليطلعوه ع فشوش
اقسم يا بوش راح تاكل من اكلك المغشوش
**************
وانتى بقى يا عراق جواكى مخ طخين
ليه كل شارع شكل وكل عيلة بدين
وكل يوم مشكلة وتقتلم ملايين
صدام خلاص اهو راح وانتم مبسوطين
هتلاقوا فين صدام فى محل الامريكيين؟
***************
اهدوا علينا شوية يابتوع الاحزاب
دا النسل ليكم واحد واقرؤها فى اى كتاب
ليه معاديين بعضكم وبقيتوا كدا ارهاب
ركزوا فى قدسكم وف جيشكم اللى خاب
اقسم ياناس وسطكم لسان وضيع كذاب
****************
وانتى يا اسرائيل اتعلمى الادب
انا اللى عديت السويس وبقارب خشب
ووقفت على بارليف وخليته اتقلب
وجيشك اللى اتهزم هزمته لحظة غضب
عرفتى ليه اتهزمتى اكيد عرفتى السبب
***********
يامصرى ليه فرحان من كلامى ليك
وحاسس انك بطل وعامل فيها ديك
فيه ضربة متوجهة م العدو عليك
خد بالك منى اولى وظبط التكتيك
وانا هتلاقينى معاك يوم لقى اعاديك
اخر كلامى يا ناس سيبونا نتنفس
ياناس خلاص اتعمينا وبقينا بنحسس
عيزينا نبقى معاهم وع مخنا نتربس
وان حد فينا اتكلم......جوا السجون واحبس
وف اسمه م الحكومة عسكرى بيكنس
الإثنين أبريل 28, 2008 10:23 pm
