يا شبابنا مالك كده نفسك فى شغلانة
ما كل الشباب زينا قاعدة وعطلانة
ادخل يا صاحبى فى قهوة وبص فيها وشوف
فيها كتير زينا والقهوة مليانة
* * * *
نفسك عاوز تتجوز خليك جاتك نيلة
دبلك تجيبها منين من لمة العيلة
ولو الدبل جباها ……..هتسيبها وف جيبك
ولا ناوى كده تخطب وتبقى هليلة
* * * *
عرفت شاب زينا فكر وراح يخطب
خبط كده ع الباب يا عمى جاى بطلب
وجاى انا من الباب وبعمل بالاصول
لاعمرى احب الكذب ولا عمرى يوم انصب
* * * *
ابو العروسة قاله انا مهر بنتى غالى
ومهر بنتى يبقى عشرين باكو مالى
ونخش بقى ع الفرش الفرش سوبر لوكس
وان كان على الصينى ييجى ممضى م الوالى
* * * *
واوضها تيجى كاملة واضافى للاطفال
وتجيبلهخا سخان ووفى الشقة الومنتال
وان كان على السجاد كله يجي من بره
وان كان ع وسع الشقة يرمح فيها الافيال
* * * *
وتكون كده ع النيل وهدوء وجو جميل
والجو يبقى هادىومريحة بالتفصيل
ونخش بقى ع الشبكة تكون طبعا كبيرة
وتبقى مية ميه ومفيش كلام تعليل
* * * *
الواد سمع الكلام ذهول دخل فى العقل
دا الدهب وبس عايز عربية نقل
قال اقوله ايه بالزمة ياناس خلاص هتجنن
دا مفيش فى بلدى عريس يلاقيه على دا الشكل
* * * *
وبص له وقال عمى محروستك الخضرة
ولا بنت الامير تكونشى كليوباترا
ولا ملكة جمال مشافتشى قرص الشمس
ياعمي بنت مين قولى مانت ادرى
* * * *
قولي مين اللي قالك انا ابويا ملك الريح
بكلمته للخشب راح تنقلب صفيح
وانت بجد يعنى حافظه الكلام ده ازاى
دا وقتك اللي خدته اكتر من التراويح
* * * *
ظروفى انا يا عمى الشقة محندقة
وعفشها عـ قدى واقساط موش ضيقة
اما بنتك في عيني ولا تعرفشي الزعل
وان يوم مفيش فراخ هنقضيه سفلقه
* * * *
ياعمى شاب انا وظروفى زى الطين
وجيت من الباب انا زى البنى ادمين
لا ضحكت يوم على بنتك ولا خدت منها معاد
وجاى اطلب ايدها بالشرع كده والدين
* * * *
قال ولا اقولك حاجة رجعت انا ف كلامى
وهسيبنى من الشرف وهشتغل حرامى
واسرق جيوب الناس وارضي خاطر سعادتك
قال وانت اول واحد هنفضه عا الحامى
* * * *
قال ولا اقولك حاجة اقسم وربي الخالق
كرهت انا الجواز ولا احبش اني اتخانق
كلمه وحده وهقولها واسمعها يا عمي منى
بنتك اقسم يا عمى بالثلاثة طالق
* * * *
* * * *
بنتك اقسم ياعمى بالتلاتة طالق
بنتك اقسم يا عمى بالتلاتة طالق
* * * *
الإثنين أبريل 28, 2008 10:25 pm
