العاقلين والمجانين
مشيت فى يوم أفكر نفسى فى مكان امين
مكان يكون امان وناسه مش خايفين
عايشين مفيشى زحمة ومفيشى جيم وسين
فطلعت عا المستشفى .....مستشفى المجانين
دخلت انا جواها لقيت بنى ادمين
لقيت الكل عايش تايهين لكن عايشين
بصت عينى وشافت واحد قاعد حزين
فسالت ليه ياعم الكل فرحانين
بصلى وقال يابنى دول موش التايهين
دول ناس اتولدوا زيك عاشوا فى البلاد دى سنين
لقوها ماشية العكس صرخوا وقالوا الدين
والناس على الاخطاء عنها مغمضين
حاولوا يقولوا لا لكن يقولوا لمين
كتير عايش ومغمض لكنهم شايفين
قالوا نعيش وخلاص ونعيش نكون راضيين
لكن شافوا الاطفال وهما مولودين
مولودة بالبراءة فى المجتمع اللعين
قامم وقالوا لا لازم نكون صاحيين
موش ذنبهم اطفال يتولدوا مظلومين
ويعيشوا جوا ظروف وتكون ظروفهم طين
لازم يعيشوا الصح ويكونوا فرحانين
فجاة فى يوم جابونا جوه السور المتين
قاعدين كدا جواه لاننا مجانين
قفلم علينا كلنا لكننا موافقين
قابلين نكون مع بعضا بعيد عن العاقلين
بنقول هنا كده راينا لبعض موش خايفين
منخافشى لا من بعض ولبعضنا مامنين
عرفت ليه احنا بقى يابني كده مجانين
سيبهم بقي يقولوا كدا احنا بقي راضيين
احنا بقي مجانين كدا لكننا عايشين
احنا بقي مجانين كاه لكننا عايشين
الإثنين أبريل 28, 2008 10:29 pm
