عجيبة وفيكى المثل يادنيا ايه اللى حصل
فيه ناس كتير طلعوا القمر واحنا فى لحظة بننكسر
ايه السبب
ضاق الخناق على شعبنا تايه ……وضايع مننا
ولا السبب كان ف الشباب الفكر ف دماغه اتعصر
ولا السبب عموا اللى فوق قاعدين نحايل فيه بذوق
لكن خلاص حقنة هوى داخلة وماشية فى العروق
واحنا يا دوب حبر ف ورق فيه حلم جوانا اتسرق
وناس كتير متجمعة جوا الشوارع زى الفراخ اللى تكاكاى فى المزارع
والصوت كبير لكن فى لحظة بيتفصل فيه شىء حصل
اطفال كتير لقمة يادوب تكفيها عايشة فى اجمل حلم هدمه يدوب تغطيها
اطفال كتير تحت الكبارى مرمية اطفال بتحلم ييجى يوم لحظة ضياء
وشباب كتير ومعاه ورق ايه الورق
فى قلبه حلمه اللى اتخنق
ايه السبب
فيه شىء حصل ليه المرار جوا العسل
وناس كتير اماليها نحط ايدنا ف ايديها
بر الامان نعديها ليه عايشين فى دوامة
ضعنا كتير اوى وياما ناخد نفسنا بملكنا
لو مرة واحده يا شعبنا الأرض دى م ملكهم الأرض دى ياناس ارضنا
الخير كتير وماليها محتاجه بس نحميها
بتنادى الدمعه فى عنيها فوقوا بقى ياأولادى
ورجعوا امجادى انا بقى حقى اتخطف
لكن تصرخ جوا وادى
ايه السبب
ليه ناس كتير فوقنا ياناس عايشه واحنا بجد افكرنا مش طايشا
لما نقول حريه ياهووه ارهابى وبسرعه امسكوه
وكلبشوه وفى السجون حطوه الحلم اهو قدامكو لكن مستحيل تطولوه
وجه سؤال فيه العجب ليه في شبر ميه بنتقلب
خدو وقتكم وفكروا هتلاقو العجز جوانا
لمو الأمل وبحترو اليأس اللى من سنين جانا
وسعتها ممكن توصلو للى حصل طاير كلامى فى الهو ولا بجد ياناس وصل
هتفوقو بقه ياله ولا هنعمل بالمثل
الإثنين أبريل 28, 2008 10:54 pm
